Aqil Abbasın rəqsi...

... Deyə bilərsiniz oğlun və ya oğlanların(onun övladları barədə deqiq məlumatım belə yoxdu) niyə döyüşmədi, hardaydı. Deyə bilərsiniz ki, Millət vəkili olaraq bir şey etmədin. Rəqsdə mahirsən.

                     Aqil Abbasın Rəqsi...  

Məlumdur ki, 40 günlük müharibə yekunlaşdı özü də Böyük qələbə və üstünlüyümüzlə. Bu xalq, illərdən bəri həsrət olduğu sevincə, sınmış qürurunun yerinə gəlməsinə və ən nəhayət bele demək doğrudursa(məncə doğrudur), alnının ləkəsinin təmizlənməsinə nail oldu. Rahat olmadı, qətiyyən. Neçə-neçə arzular, ömürlər yarıda qaldı. Nə qədər İgid canı bahasına qazandı bugün qürurla öyündüyümüz qələbəni, özlərisə, bütün arzularıyla birgə qara torpağa əbədi yar oldular.

  Əvvəla, şəxsən öz adımdan hər bir şəhid anasının qarşısında baş əyir, əllərindən öpür və onlara bütün qəlbimlə “çox sağ olun” deyirəm. Əlbəttə, asan deyil canından bir parça olan dağ kimi övladını itirmək. Ümidlərini ömrünün bahar çağında dəfn etmək.

  Bu günlərdə işğaldan azad olunmuş Ağdam şəhərinə, daha doğrusu şəhərin xarabalıqlarına geniş nümayəndə heyəti səfər etdi. Qısa da olsa, bədii hissəni xatırladan hissə də oldu və bu zaman Aqil Abbas sevincini rəqs etməklə bildirmişdir. Bu hərəkət heç də xoş qarşılanmadı əksər kütlə tərəfindən. Haqsız da deyildilər, di gəl,  Bütün kədərini, nisgilini, qübarını unutmuşdu bu adam. Demək olar ki, hər çıxışında toxunduğu Vətən dərdini bitirmişdi. İllərlə gözlədiyi günü yaşayırdı, Yəni doğrudan mı, onun oynamağa zərrə qədər də olsa Haqqı çatmırdı?...

 Biz bu günü anban gözləyib, dua etmişik. Ağlamayaq mı, sevinməyək mi? Hər nə qədər də olsa Xalq olaraq buna ixtiyarımız var. Sosial şəbəkədə fərqlı-fərqli  tənqidlər edilmişdir bu adam haqqında.

  Aqil Abbbası istədiyiniz kimi tənqid hədəfinə ala bilərsiniz, amma onun yurd sevdalısı olduğunu kimsə dana bilməz. Deyə bilərsiniz oğlun (onun övladları barədə deqiq məlumatım belə yoxdu) niyə döyüşmədi, hardaydı. Deyə bilərsiniz ki, Millət vəkili olaraq bir şey etmədin. Rəqsdə mahirsən. Sizə görə o, yaxşı millət vəkili olmaya bilər, bəlkə də belədir, həmçinin o tribunada hirsə, narazılığa  səbəb olan söz də deyə bilər, deyib də(özü demişkən söyülüb də).

 O tribunadan kənarda dediyi hər sözü bir devdi. O, hərbi geyimdə səngərdə bir millət vəkili kimi görünməyə bilər. Amma, sadəcə yazar Aqil Abbas  kimi hər daim xalqıyla birgədir. İstər bir, istərsə də ikinci Vətən savaşında. Demək ki, “əmma” Aqil Abbasda deyil, tribunada- o kreslodadır. Onun ən sərt şəkildə tənqidi millət vəkilliyindən bu tərəfə keçmir. Ola bilər k, o, oranın adamı deyil, amma bizim adam olduğu dəqiqdi. Elə olmasaydı Birinci Qarabağ müharibəsinə aid qəlbə toxunan şah əsər “Fəryad”dan sonra dişə dəyən yeganə roman olan “Dolu”nu yaratmazdı, inanın mənə. “Fəryad” dolu  “Dolu”... Bunu yazan insan dediyiniz qədər də ola bilməz...

P. S. Doğrusuna qalsa, o heç Ağdamdan millət vəkili də deyil, sadəcə bir Ağdamlıdır!

  

Tags