Övladlar yanında olanda sevərlər, kənarda olanda dəyərini bilərlər ata-analarının....

Müharibə dəhşətlidir, amma bu dəhşət içində düşmən əlinə keçmək kimi bir cəhənnəm də var, amma bu cəhənnəmin bir qır qazanı da var...

   Bu cümlələri Amin anasına məktub göndərəndə yazmışdım. Nədənsə ürəyim gəlmədi paylaşımağa. Dedim düşmən namərddi, nə olar nə olmaz. Amma Şükür,

 bugün rahat bir şəkildə bunu edə bilərəm.

 

  Düşmən əsirliyində olan əsgər Amin Musayev evinə-ailəsinə çox qısa-beş cümləlik bir məktub göndərib. Bu beş cümləlik məktubda “salamdan” sonra tək bircə fikir ətrafında beş cümlə yazıb, hamısı da anası haqqında. Ondan (sağlığından) muğayət olmağı, onu qormalarını istəyib. Övladlar yanında olanda sevərlər, kənarda olanda dəyərini bilərlər ata-analarının....

   Cansız vərəqdən, hərflərdən intizar, həsrət o qədər aydın canlanır ki, insanın qəlbi parça-parça olur.

    Yarasından belə bir cümlə də olsa yazmır sadəcə “yaxşıyam” yazır. Bilir ki, onun yarası anasının qəlbindədir. O yaxşı olarsa, yarası da yaxşılaşar.

   Cümləbəcümlə yazmasa da onun son halından xəbərdarıq.  Ən azı son çəkilən kadrlar bunu deməyə əsas verir. Hər birimiz üzülürük, təsəlli fikirləri yazırıq, dua edirik, lakin Anası bizdən fərqli olaraq, həm də Aminin ağrılarını duyur. Çünki analar övladlarını qəlbləriylə görər, canlarında hiss edər.

    İndi bir vərəqdə olan beş cümələlik yazı o xanıma dünyada ən önəmli əşyadır. Dəfə-dəfə oxuyub, qoxlayar. Beş cümldən özgə nəsə olmadığı halda, yenə də bir şey görmək ümidi ilə.

  Müharibə dəhşətlidir, amma bu dəhşət içində düşmən əlinə keçmək kimi bir cəhənnəm də var, amma bu cəhənnəmin bir qır qazanı da var, o da  düşməninin namərd, şərəfsiz və haqsız olarsa, onsuz da haqsız adamda rehm hardandı?.

  Axşam  düşər, təsəlli üçün gələnlər çəkilib gedərlər, gecə düşər. İlan vuran yatar ana yatmaz, balasının bütün ağrısını ruhuna çəkər, duası, qəmiylə Allahın yanına çatar nəfəsi.

 

Tags